Нысан №: SCP-019-KZ.
Нысан тобы: Евклид.
Қауіпсіздік Ұстап Сақтауы: Нысанды қоршап тұрған ауданда сирек кездесетін ағаш түрлерін сақтау сылтауымен SCP-019-дың үлгілерінен үш (3) метр қашықтықта тұрған ұзын қабырғамен оқшауланып нысанға бейбіт тұрғындарға кіруге тыйым салынды. Ұстау аймағында жақын жолда жабылды және оның орнына айналма жол салынды.
Материалдарды зерттеу немесе жинау мақсатында SCP-019-дың ұстау аймағына кіретін қызметкерлер кемінде екі (2) қызметкердің үшінші рұқсат деңгейімен немесе одан жоғары деңгейі бар қызметкердің жазбаша рұқсатын алуы керек.
Нысанның ұстау аймағына кіру рұқсатын алған жағдайда, қызметкерлер SCP-019-дың аномальды әсерін болдырмау мақсатында бүкіл денені жабатын арнайы жоғары қауіпсіздік киімдерін алуы тиіс. Киімді киер алдында оның зақымдануын немесе тесіктері бар жоғын мұқият тексеріп, ұстау аймағынан оралғанда киімді осы үшін арнайы бөлінген пеште өртеу керек.
Сипаттама: SCP-019 - белгісіз тұқымдас ағаштар, қазіргі уақытта адамзатқа белгілі ағаштардың ішінен осы түрге тән қарама-қарсы жапырақты орналасуы бар нысан өзінің ашық қызыл жапырақтармен Acereae (Үйеңкі) түрлеріне ең жақын.
Жүргізілген бақылаулардан SCP-019-дің үлгілерінің биіктігі екі (2) метрден басталып, үш (3) метрге дейін өседі, ал ені жарты метрге дейін болатынын белгілі болды. SCP-019-дың үлгілерінің сыртқы қабығы басқа ағаштармен салыстырғанда өте өткір және көптеген қарапайым және қорғаныс тіндерін оңай кесіп, киімнің астындағы адам терісіне тиіп, зақым келтіруі мүмкін.
Ағаштың бұтақтары ерекше бұрыштарда өседі және сыртқы түрімен адамның қолдар мен аяқтарға, ал жапырақтардың орналасуы ашық алақандарға ұқсайды. Сондай-ақ, кейде ағаштың қабығы әр түрлі жерлерде қызыл дақтармен боялады, зерттеулер бұл шайыр мен шырышпен аздап араласқан адамның қаны екенін растады.
SCP-019-дың үлгілерінің бірін кесу кезінде алдымен шаң мен қабықтың кішкене бөліктері ұшып, ағаштың ортасына жақындағанда қан құйылды. Тексеру кезінде ағаштың ішкі құрылымы адамға ұқсастықтары бар екені анықталды, ішкі құрылымда шайырмен қапталған, ыдыраудың жеңіл сатысы бар дене табылды, дененің аяқтары жерден шығып, қолдары созылып, ағаштың түбінен оның бұтақтарына өтті. Кейінірек SCP-019-дың барлық үлгілері аномальды әсеріне байланысты осындай ерекше құрылымға ие болғандығы расталды.
SCP-019-дың аномальды әсері нысан адамның терісіне тиіп, зақымданған жағдайда пайда болады. Уақыт өте келе субъектінің жарасының жанында ағаш қабығына ұқсас нәрсе пайда бола бастайды, сонымен қатар адам қозғалу қабілетін жоғалта бастайды және кейіннен SCP-019-дың үлгісіне айналады. Толық түрлендіру процесі төменде 019-1 қосымшасында көрсетілген.
Қосымша 019-1: Инфекциялану және одан кейінгі SCP-019-дің үлгілерінің пайда болуы.
- Бірінші кезең: SCP-019-бен байланыста болған кезде жарақат алған субъектілер ауырсынуды шамалы деп сипаттайды және көбінесе оған ерекше назар аудармайды немесе мүлдем байқамайды. Келесі кезеңдерге өту уақыты адамнан адамға өзгереді, орташа есеппен бұл 30 минуттан аспайды.
- Екінші кезең: Екінші кезеңдегі SCP-019-ды жұқтырып алған адам қозғалыста аздап қиындықты сезіне бастайды және ыңғайсыздықты сезінеді. Тері қыши бастайды.
- Үшінші кезең: Жұқтырылған адамның денесі қарайып, жарылып, қаны кете бастайды. Адам барлық аяқ-қолдарын жылжыту мүмкіндігін толығымен жоғалтады, сөйлесуге өте қиын болады. Үшінші кезеңнен бастап субъектімен байланысу инфекция қаупіне байланысты қауіпті болады.
- Төртінші кезең: SCP-019-ды жұқтырған адам төртінші кезеңде біртіндеп ағаш қабығымен жабыла бастайды, субъектінің аяқтары өз салмағымен жер астына көміліп кетеді, қолдары бағытын өзгертпестен созылады. Осының бәрінен кейін субъект SCP-019-дың толық үлгісіне айналады, екі немесе үш метрге дейін жай созылып және жапырақтармен толады.
Қосымша 019-2: Қанды жинау және одан кейінгі тексеру кезінде оның қазіргі уақытта SCP-019 қамтылған аймағында жоғалған адамдарға тиесілі екендігі расталды. Егер қызметкерлер SCP-019-ды жұқтырып алса, немесе SCP-019-дің үлгісі ұстау аймағынан басқа жерде табылған жағдайда, оны белгіленген қауіпсіздік нұсқауларына сәйкес жою керек.
Ескерту: Қызметкерлерден SCP-019-бен байланысына дейін және одан кейін киімдерін мұқият тексеруді сұраймын. Сендер жараларды қалай алатындарыңды білмеймін, ағашқа әдейі қолдарынды тигізіп жылжытасыңдар ма түсініксіз. Д-р ██████ оның зерттеулерінен кейін не болғанын және оның кеңсесінде қандай болып табылғанын ұмытпаңыз, біздің қызметтер одан қалған нәрсені тазартып алып тастауға тырысқанда қатты зардап шекті. - Д-р ██████████
« SCP-018-KZ | SCP-019-KZ | SCP-020-KZ »