-
Info
Атау: SCP-005-KZ - Өздік етіс
Жазушы: MarilynSadson
Күн: 30 шілде 2024
Сурет: 005.png - CC BY-SA 3.0
SCP-005-тің автопортреті. Нысан біреудің фотоаппаратын қолданбайды, сондықтан өзінің суретін ынталанып сызды.
Нысан №: SCP-005-KZ.
Нысан тобы: Бейтараптандырылған.
Қауіпсіздік Ұстап Сақтауы: SCP-005-тің құжаттамасын тек оның өзі жазып, өзгерте алады.
Бірақ біз сөзімізді былай тыға аламыз.
Нысан д-р Мэрилиннің кеңсесіндегі орындықтардан және 005123-інші нөмірлі D-тобы қызметкерінің сақтау бөлмесінен алынған көрпеден жасалған сақтау камерасында сақталады; камера 6-аймақтың “Евклид” тобындағы нысандарға арналған сектордың дәлізінде қолмен құрастырылып, орналасқан. Бірақ болашақта SCP-005 жаңа айтылған тұлғаларға олардан алынған заттарын қайта иелеріне қайтаратынына уәде береді. Ол үшін өзіне қозы тауып, оны өсіріп, жүнінен көрпе тігеді.
Таңғы асымды ішіп жатқанда ол жеке кеңсеме есікті тоқылдатпай кіріп кетті, сосын үндемей үш темір орындықты алып, кетіп қалды. Мен одан кім екенін сұрадым, қылығын тоқтатсын дедім, бірақ ол үндемеді. Ал оған жақындайын дегенде мені бір нәрсе тоқтатты. Бір қатты сезім.
Содан кейін жақын тұрған қауіпсіздік қызметкерін шақыруға тура келді, бірақ ол мылтығын оған көтерді де аталмады.
SCP-005-ке МЖТ Тау-65 “Қиямет Комиссия” факты түрде бекітілген, бірақ бұл мәлімет ешқандай құжатта жазылмаған, себебі бұл ақпарат нысанмен байланысты. Мобильді жедел топтың мүшелері ағымдағы жағдай туралы ауызша мәлімденді. Бірақ ешқандай нәтиже жоқ, нысанға олар тисе де алмады.
Аймағымызға бұл белгісіз тұлға келгеннен кейін, 24 сағаттан сәл асқаннан кейін оны ұстауға, не тоқтатуға Ұйым берілді.
”Өзінің қойы” туралы. Бірнеше апта бойы асханамыздан тамақты ұрлап (мұны істегеніне қараса ұрлыққа ұқсамайды, себебі ол жәй қоймаға үндемей кіреді да жейтінін алып кетеді, бірақ… бәрібір), тоқтамай жеп, ол кенеттен анағұрлым семіріп кетті (бірақ пропорционалды емес, тек қарны семіре бастады, жүкті әйел сияқты), ал денесіндегі жиналған майдан езіліп, амниотикалық қапшыққа тәріздес мембранада қозыға ұқсас жаратылыс пайда болып шықты. Нысан өзінің концепциясына тым қатты беріліп кетті.
Бірақ ол қозы өскен соң, “өзінің қойымен” тоқтамаған секілді. Өсірген қойын қырқу уақыты келгенде, бір жерден, өрескел тілмен айтқанда, “ұсқынсыз”, толықтай темірден жасалған қайшыны алып шықты. Ал соңғы кезде оның түрі, жалпы айтқанда қаны сарғыш түсті болып жатыр, ал денесінде гипоксия белгілері байқала бастады. Біздің ойымызша ол қайшыны өзінің денесіндегі бар темірден жасап алды, бірақ оны қалай істегенін білмейміз.
SCP-005 өзі белгілеген уақытта аймақтың асханасына жалғыз барып, өзіне тамақ пісіріп, тамақтануы мүмкін; бірақ жақында ол 6-аймақтың артқы ауласында бақша қазып, сол жерде өзінің көкөністерін өсіріп жатыр. 202█ жылдың маусымында аймақтың асханасының бір шетінде нысан өзі пісірген тамақтарды (мәзірде тек "жібеқұшағы, бұқтырам, тоқащы" бар) қызметкерлерге сатып, ақша табуды бастады.
Егер де сен тоқащыны татымасаң, түйемен бір есепсің, ал оны тата тұрып таңданбасаң, барып тұрған есексің. Таза жеке пікір. ☆☆☆☆☆
Жинаған ақшасына 6-аймақтық қасындағы бақшаның жерін заңды түрде сатып алып, оның орнына ағаштар өсіре бастады. Ағаштар өскен соң аймақтың қасында өзіне Застава (-005) құру жоспарда, сол жерде өзін сақтау үшін.
Сипаттама: SCP-005 - ол жалпы тәуелсіздік, эгоорталықтық концепциясының іске асырылған физикалық, шынайы түрі. Нысанның мақсаты өз бетінше өмір сүру, мұның түсінігін оның шыңына барынша көтеру; өзінің өмірінің мәнін табу. Нысан ол келбеті көрікті, ұлттық-нейтральді, агендірлі, гуманоид тәріздес тіршілік иесі. Оның ұзын шашы көгілдір, ал көздері күлгін түсті. Нысанның аномальдық қасиеттері үздіксіз түрде әрқашан активті/белсенді болып табылады. Ол қасиеттің қысқаша сипаттамасы: нысан бәрін өзі істейді; нысанмен қатысты барлық әрекеттер оның өзімен ғана істелінеді. Сондықтан - нысан өз өзін ұстап, сақтауы керек; нысанды тек оның өз-өзі жарақаттай алады; ал бұл қасиеттің заңдары бұзылса - ол заңды бұзған әрекет одан «обсессиялы» әрекетпен кейін ақталады деп саналады.
"Келбеті көрікті". Нарцистік қасиеттер?.. Оған жарасады екен~. Ал көгілдір түсті шаштар табиғатта жоқ, демек ол түске өзі бояған. Күлгін түсті көздер - қайтадан, табиғатта мүмкін емес дерлік. Әрине, кішкентай ықтималдық бар, бірақ мына кісіде… Дәл мына кісіде көз линзалары екеніне бәс тігуге дайынмын.
ДНҚ'сын зерттеу үшін нысанның өзінен бұл тәжірибені өткізуінің сұрау керек болды. Ол келісті, бірақ нәтиже ерекше, бірігей болып шықты - Қордың қолы жеткен биометрикалық дерекқорда бар барлық адамдардан онымен қатысты ешқандай басқа адам жоқ, сондықтан оның туысы кім, оны кім туды белгісіз. Және нысанның шын жынысын анықтайын дегенде жасушаларында кәдімгі XX немесе XY хромосомаларының орнында X және бір белгісіз хромосома болды. Нысанның өзі оған «"Ө" хромосомасы» атын қойды.
SCP-005-тің аномальдық қасиетінің әсерін көбеймелі межелік түрінде есептеуге болады. Нысанның өмір бойы барлық әрекеттеріне, шешімдеріне зер салсақ оның "тәуелсіздік концепциясымен" обсессиясы біртіндеп өсіп жатқанын байқауға болады.
Жаңарту: Нысан адам бейнесінен және адамшылықтан бас тартты.
Аймақта сағат таңғы 5-ке жуық, ал дәлізден баланікі сияқты күркенің ішіндегі нысанның даусы естіледі. Киелі Кітапты оқып жатыр.
"«Жарық пайда болсын!» — деп бұйырды." — дегені естілді, нысанның.
"Жаратылыстың бастауын оқып жатыр" — деп ойладым мен.
Әрі-беріден соң, 1 тараудың 27 өлеңіне жетеді - "Осылайша Құдай адамды Өзіне ұқсас әрі бейнелес етіп, бірін еркек, бірін әйел қылып жаратты." Мен бұл мәтіннің оған әсер ететін білдім, ол оның денесі негізінде басқа біреудің келбетінен алғанын білсе шыдамас еді. Дұрыс таптым.
Нысанның азапта болып, денесінің бұзылып жатқанын аймақта қалғанның бәрі естіді.
Оқылым бітпеді.
Адамнан ештеңе қалмаған қырылдаған дауыстың иесі былапыттап Киелі Кітаптің беттерін ары-бері ашып, басынан бастап оқиды:
"Адамдар теңіздегі балықтар мен аспандағы құстарға, малдар мен аңдарға, бүкіл жер бетіне және онда жорғалап жүрген барлық жануарларға билік жүргізсін" — деді. Оның ішкі сезімін сезуге болатын еді. Оның болмысы басқа біреу жасаған әлемде орналасқан, ал өмір-тұрмысын сол Кітаптың жазушысы мыңжылдықтар бұрын тағайындап қойған.
Сен Құдайдың, біреудің малын жедің, ақымақ! Бол қайтыс.
« SCP-004-KZ | SCP-005-KZ | SCP-006-KZ »
